Pálmatré ehf er stofnað af hjónunum Pálma Pálssyni og Hildigunni Skúladóttur. Sjálfstæð starfsemi hófst vorið 1998 og í kjölfarið var fyrirtækið stofnað. Því hefur byggst upp mikil reynsla og þekking í verklegum framkvæmdum í gegnum tíðina og fyrirtækið þróast og þroskast með.

​

Pálmatré hefur starfað á almennum útboðsmarkaði og byggt meðal annars skólabyggingar, íþróttamannvirki, meðferðarheimili og tekið að sér viðhalds- og breytingaverkefni. Ásamt þessu sinnt eigin verkefnum í íbúðauppbyggingu í einbýlishúsum, raðhúsum og fjölbýlishúsum. Bændum og búaliði höfum við haft sérstaklega gaman af að sinna og byggt á bæjum fjósbyggingar, hænsnahús, svínahús, vélaskemmur og reiðhöll, ýmist uppsteypt hús, stálgrindarhús eða límtréshús.

​

Fyrirtækið er búið öflugum hópi starfsmanna sem býr yfir víðtækri reynslu á sviði bygginga og mannvirkja og bera því uppi hróður fyrirtækisins.

 

Á síðustu árum hafa kröfur aukist um innra gæðaeftirlit til að bæta skilvirkni fyrirtækja á vinnu og vöru. Pálmatré hefur sinnt innra gæðaeftirliti um árabil sem hefur þróast samhliða vexti fyrirtækisins.

Gæðamálin eru í sífeldri endurskoðun hjá okkur en helsta markmiðið er að skila vandaðri vöru, stunda heiðarleg viðskipti og tryggja þannig ánægju viðskiptavina.